Haan paisay Darakhtaan nal lagday ah - punpashi

Punpashi  - Awo Apniyaan sabziyaan agaiyay

Pehlay tuseen hu sakda eh akhar yaan lafaz na suniyaan howay pehr punbijli da lafaz zaroror sunyaan howay gaa. Main punpashi da lafaz es wastay ajad kitta keh ehda sara taulaq paani day naal ah. Jay koi es akhar day pahron puchay tay mera naa zaror laina keh eh mera ajad kitta hoya akhar ah. Main vee bara teer mariya eh akhar ajad kerkay. Mera wada pahai menu tulsi raam sceience daan kehnda hunda see oh es wastay keh main chota hunda eh cheez dee jehr ch puhnchan dee tago dao ker da see. Eh audoon dee gal ah jidoon hajay television ainay nehn hunday see. Eh pahai ik wari Lahore gia tay ohnay koi drama dekhya jehday wich koi sceincedan  jehda naa tulsi raam see tay oh sooraj diyaan kirnaa moornay day tajarbay kerda rehnda see. Oh bachara tulsi raam akhri tajrabay ch marya ghia yaan zahhmi ho ghia. Es wastay mera wadha pahai menu mazaq kerda hunda see tay kehnda hunda see tera vee tulsi raam alla hal huna ah. Allah qaim daim rakhay waday pahai jee nu.

Eh punpashi da akhar tay bana liya tay ohtoon baad ehda apparatus banauna see. Bari tago do toon baad diyar lakri da ik meter stand banaya. Eh stand diyan do shelves ah. Pehr ik shelve wastay about 6inch dee pvc pipe mull liyandi. Eh pipe ch  jidaan bansari ch moriyaan hundiyaan aan es taran diyan moriyaan kitiyaa. Eh moriyaan  dehr inch diyaan ah.Eh pipe nu donu passiyon band kernay wastay end block khreeday. IK block nu pvc cement day naal ik passay laya. Dosray passay walay end block chi  choti plastic pipe launay wastay mori bana kay ohday ch chrome dee fitting lai.phair es end block nu pipe day doosray passay pvc cement na fix kar ditta. Eh chrome fitting es wastay lai keh ehday naal plastic yaan rubber pipe laa kay ehday naal nutrient solution kehdya tay paya ja sakay.

Main jidoon Eh punpashi da equipment bana liya tay menu buht khushi hoi. Main ehda dasan lai kisay nu labaan tay menu Lahore toon khan baradri daa jananay wala labh ghia.

Main auhnu bari khushi naal dasya angreezi ch keh main ik equipment banaya jehday naal main eh keh sakdaan “moving trees of the future”. Pehr au kisay hor chakar ch see menu lutnay wastay. Ohnay menu daa laa ditta. Jehda main pehlay apni kissay likht ch vee likhya. Hun tay saday lokaan ch aisay waylay aa ghaiay keh her koi ik dosray nu luton day chakkar ch ah. Main phir ve kahwaan ga eh saday punjabiyaan nu chunga nehn lag da. Koshish karo keh dosray day naal koi ziyadti na huway. Kisay nal hera pheri naa karo. Saday punjabiyaan dee eh adat nehn see. Ik dosray da khial rakhday see. Ik dosray nu kisay garaz binna miln jaanday see. Hun tay main haraan aan keh kih hu ghia saday punjabiyaan nu. Koi vee sachi gul soonan wastay tiyar nehn. Her fictional yaan masnoi gal tay wah wah kerday ah. Jago punjabio duniyaan buht agay lung ghai aah. Duniyaan mars toon vee agay jaanay dee soch rehi ah. Aseen apni chungi tareekh day chakar chon ee nehn nakal rehay. Oh chungi tarikh da kih faida jay aseen authay day authay balkay autoon vee pechay rehay. Meray jehay darwaish yaan fakeer nu kaiyaan nay daa laya pehr main eh kehwaan gaa aidaan day lokaan da hal paihra ee hunda ah.

Khair oh equipment tay kih dekhna see khan sahib nay kuni katrauni shrooh ker ditti tay aidaan da wartaa kitta jewain main koi auhna day nal phaira kitta huway. Hor gal main eh vee das dawaan main eh khan saab nu tuhfay ch dain wastay equipment ik meter da banaya jehra shaid ohna dee qismat ch nehn see. Akher qismat dee gul ah hun meray kol do haggay ah.

Pawaan menu tuseen paindu kehwo aujad, gunwar , jahil yaan jungli kahwoo main tay hajay tak eh cheej hajay tak apnay damag chon nehn kaddah sakya jehri saday mahallay day maulvi nay dassi see. Eh masjid daa naa noori masjid Islam pura. Hun tay Islam pura buht wadh ghia pehr eh gal audoon dee ah jidoon noori masjad tak Islam pura hunda see. Eh Tobay shair dee had see. Maulvi nay jumay allay din chungi taraan ragar shugar kay nauhana , atar launa chitti shalwar kameej pauni tay kullay wali pugri banh kay jummay da khutba daina. Maulvi jee da rung kala see tay aam saday naal Punjabi bolday see. Maulvi jee daa khutbay aina kay lamba huna kay keh juma perhn jaana tay khatam eehon ch na auna. Maulvi nay kadeen haiqaan laa laa kay Islami qisaay kahaniyaan dassaniyaan. Eh kisaay das day huay kadeen baray zoro shor naa bolna. Eh toon lag daa maulvi bara samaj aala see. Ohnu patta see keh lokaan nu kiddaan apniyaan galaan chungian launiyaan. Menu aina patta keh mera wadha pahai jehra meray toon ik yaan do waray (saal) wadah see oh audoon maulvi day pechay luga keh oh audah balka ban ghia. Audhi koshish honi keh masjad ch puhnchay. Masjad jaan tay authay jaa kay safai karni ik abadat samaj kay tay bahr safaan bachauniyaan. Waday pahai nay darihi rakh lai jidoon audhay baal nikkal aiay. Kahr diyaan nay kehna aina masjid ch naa jaaya ker pehr aunay eh ee kehna tuseen menu masjid jaanay toon naa roku. Kahr diyaan nay kehya masjad ch jah pehr eh nehn toon sara din jaa kay authay baithay rehwain. Phaiyaa appni gal tay ariya rehya tay masjid jaanda rehya. Ik waila ayaa aunay yak dam dahri mun ditti tay masjid jaana chud ditta. Eh menu nehn patta kiyoun tay naa eh audhay koloon puchyaa. Gal kismet dee kar rehya see jehri aunay saday damag ch pai oh hajjay tak audhaan ee aan..

Yahya khan dee sarkar daa waila see tay Pakistan jang hur ghia tay lok sarkar day wairi ho ghaiay tay sarkaan tay nikal paiay. Lokaan jaloos kadhay tay jalsay kittay apnay aap nu raza karana tor tay jailaan ch ghaiay dafa 144? Dee wajah naal.. Raat nu lokaan nay akhtay hona tay faisala kerna aglay din kaynain girftar hona. Ik raat lokaan nay kehya hun maulvi jee towaadi wari aah. Maulvi nay kehya main phriyaa ghia tay namaz jamaat nal kon parahway gha. Lok array  rehay tay maulvi nay akhar kehya daikho meray chottay chottay bachay aah tay main jail ch chala ghia tay ohna daa kih banu gha. Maulvi khachra see tay oh naa jail ch ghiya.

Kai lokaan dee kismet ch jin hunday ah eh vee damag ch perhya hoya see. Bachpan ch darna keh kisay darakh tay thalay pishaab yaan tatti naa karo ehday naal jin chimar jaanday ah. Tobay day government high shool ch see tay head master khan saab hunday see. Saday master Aslam shah saab hunday see tay oh dasday hunday see keh oh jin kadh day ah. Ohna nay kehna khan saab jinaan nu nehn man day see tay main auhna nu jin kahd kay wakhaiay tay oh vee mun ghaiay. Eh gal tay damag chon nikal gai jiwain jiwain pehrya.

Main hun punpashi dee zara thuri jehi tafseel vee das dawaan. Eh punpashi es taraan ee ah jes taraan aabpashi yaan jehnu aseen khaiti bari kehnday aan pehr punpashi ch khaiti nehn aah. Khaiti naa honay daa matlab eh ah keh ehday ch zameen yaan mitti nehn warti jaandi.. Ehnu aseen angreezi ch soiless agriculture keh sakday aan. Punpashi dee exact angreezi  hydroponics ban dee ah..

Punpashi kiyaun keryay?

Saday Pakistan tay India khas tor tay Punjab ch kahr dee ik sabzi mul laina ee masla bani rehndi ah. Kahr day vich agar aini jagha nehn tay tuseen kahr dee chat nu warat sakday au. Kahraan diyaan chattan wailiyaan aan tay auhnaa nu es wastay wart sakday. Ehday wastay tuwanu ainay paisay vee laun dee lor nehn. Agar chat tay karo tay eh vee khial rakhna keh kai wari buht taz hawa chaldi aah yaan naihri toon kidaan bacha kerna. Kitay aidaan nah huway keh naihri sara kuch adha kay lai jaway.Tuseen agar sanaati yaan karobaar day tor tay kerna chaunday au tay oh vee tuseen kahr dee chat toon ker sakday au. Ehday wastay tuwanu shelving system adopt kerna pawo ga. Agar tuseen karobar day tor tay kerna chaunday au tay tawanu chat dee mazbooti vee daikhni pawo gee. Khulaiyaan khaitaan ch chungi fasal agauna buht wada masla banya hoya ah. Oh diyaan kai wajah aan.

1 Ultravoilet radiation da wadah
2 Taza paani da kahtah tay saaf paani da naa huna
3 Utli Mitti da kharab hu jaana tay fasal agaunay day kabal na rehna

4 keeriyan tay bamariyaan nu fasal toon khatam kernay ch duwaiyaan da asar naa kerna
5 mausam da qudrati tor tay buht garam yaan thunda hu jaana

6 Buhtay paani daa bakharat ban kay audh jaana

Ehna wajah toon alawa khulay khaitaan ch koi control nehn hunda tay ehday ch buht mehnat kerni paindi ah. Jaraan day lagay dee thaan noo tuseen aina poola nehn rakh sakday keh  paani  tay hawaa ehdiyaan jaraan ch jaway jethay ehdi lore ah.

Eh galaan kahr ch sabziyaan agaun wastay likhyaan aan agar tuseen karobar day tort ay karo tay salaah lai sak day au.

Punpashi Kidaan hundi ah

Punpashi ch mitti neh warti jaandi tay nutrients yaan khurak  walay paani ch jaran doobi rakhi diyaan. Botayaan da autla hissa  paani toon bahr rakhya jaanda. .punpashi ch koi manasab dabba yaan pipe honi chai dee ah.jehday ch botay nu ehdi khurak mix kitta huya paani jaraan nu ditta jaanda tay hawaa ditti jaa sakay

Eh murat toon tuseen gwair laa sakday au mitti ch agaiay hoay tomatar tay  punpashi ch.

Mitti ch agaya tamatar da boota chota boota tay wadiyaan jarraan Punpashi ch agaya tamatar wadda boota  - chotiyaan jaraan

Dabay yaan pipe punpashi wastay

Tuseen kai taran day dabbay yaan pipes wart sakday au jehna choon cement day banay hoay containers, glass jars, mitti day pakay  containers, mori toon bina gamlay, plastic yaan lohay day containers tay  fibre glass day containers. Koi vee container yaan dabba wartu eh glass dee taran da nehn huna chai da. Agar glass dee taran da ah ehnu kala rung bahr lay passay kar lowo ta kay ehday chon low naa ander jaway. Agar low (roshni) ander jai ghi tay eh chemical day naal amal ker kay kuch da kuch bana daiay ghi. JIdoon rung karo tay ehday tay ik line dee taran bagair rung too rehn dawo jehday toon nutrients aalay paani da level dekhya jaa sakay. Eh rung sirf tuseen ohna dabbayaan nu kerna ah jehrayan choon tuseen dekh sak day au i.e glass jars. Rung tuseen bahrlay passay kerna ah. Jehra vee container yaan dabba warto ohtoon pani bahr leak naa hunda howay. Mera matlab ah leakproof hona chai da ah. Fibre glass containers es gallon chungay ah keh ehna nu aina chemical da asar nehn hunda. Agar tuseen metal yaan concrete container wartu tay ohnu andher allay passay  asphalt emulsion paint karo ta keh chemical reaction yaan toxicity toon bachya jaa sakay.

 Punpashi ch botyaan nu Asra kidaan daina

Punpashi ch botyaan nu jiwai jiwai wadh day ah asra dainay dee lore ah. Eh asray nu angreezi ch  “litter bearer” kehnday ah. Eh chicken wire yaan hardware cloth (wire). Jehri vee wire wartu eh plastic coated honi chai dee ah. Agar wire plastic coated nehn tay ehnu asphalt based rung karo. Agar wire plastic coated yaan asphalt based painted nehn tay wire garam ho jaway ghi. Jehday naal bottay jal sakday ah. Eh wire nu lakree diyan 3 inch  phutiyan tay lawo. Eh wire nu es taran lawo keh aunay walay samay ch jehriyaan sabziyaan agauniyaan ohna dee auchai da khial rakh day huay. Kai lok khial kerday ah

Styrofoam es wastay chungi ah.botayaan wastay  Eh Styrofoam ch apnay botayaan day hasab naal moriyaan ker lawo. Styrofoam da faida eh ah keh tuwanu ehday lainay wastay paisay kharach nehn kernay pain gay. Oh es lai keh aj kal koi vee cheez khareedo tawano

Eh dabayaan chon choon mil jaandi. Dosra ehda faida eh ah ehday ch moriyaan kerna saukha ah. Teesra faida eh ah keh halka haun day paroon paani ch dub dee nehn.

Styrofoam ch moriyan bootay day jism toon thoriyaan wadiyaan karo oh es wastay keh jiwain bootay nay wada huna ah tay ehday jism yaan dhar nay  mota vee huna ah. Jidoon toseen botay eh moriyan ch launay an eh hajjay poong yaan paneeri aah tay Styrofoam ch moriyaan khuliyaan. Eh wadhay nu tusee roon (cotton) day tunmbay laa kay poora ker sakday au. Agar roon na huway tay tuseen eurothan spunj  (sponge ) vee wart sakday au. Eh eurothan spunj yaan roon wartnay es pahroon keh eh jaldi sukday nehn. Ehda kuch hissa paani ch rehway tay baqi botay diyaan jaraan tay.

Main ik masal dawan gaa desi deevay dee. Hun tay desi deevian da rawaj eh nehn rehya pher hajay vee Pakistan day kai darbaran tay mazaran tay waikh sakday au. Ehna deevian ch saroon da tail baal day see. Tora jehya tail pauna tay audhay ch roon dee ik batti wat d kay audha ik passa tail ch paa daina tay dosray passay nu aag laa daini. Eh batti holi holi sar dee rehni tal ehdi loo hoi rehni. Menu deeva apnay bachpanay toon buht chunga lag da see. Bibi jee nay bijli honday hoay vee deeva ghar ch rekhya. Jiwain jumayraat dee sham huni tay ghar ch deeva zaroor balna tay kehna sariyaan battian (electric lights on) ball davo. Eh jumayraat dee sham nu peeraan fakeeraan diyaan rohaan aundiyaan aan. Phay jumayraat dee shami kus chunga pakauna tay maulvi jee nu khatam dainay wastay bala kay liayauna.  Menu yaad aunda maulvi jee nay pugri banhi hundi see tay naal auhnay day ik balka hunda see. Jehra khana peena kharaan choon milda see. Oh balkay da kum see eh millay hoay khanay nu chungi taran samahl kay maulvi day kahr puchauna

Kithon dee gal kithay opar ghai. Main eh dasana cha rehya see keh roon tay eurothane spunj wartu. Jidoon bootay wadhn lag pain tay auhna nu hor asra dee lore pai ghi. Menu eh omeed ah jiwain jiwain tuseen agay es punpashi ch jawogay  tay naal naal sekh day vee jawo. Jiwain jiwain botay wadhn ehna nu bailan dee taran eh chicken wire naal bahn day jawo.

Botayaan dee Hawa khori

Jiwain sanu bandyaan nu hawa dee lore ah es taran botayaan nu vee hawa dee lore ah. Es kainaat ch jinyaan vee cheezan aan khas tor tay jaan dar jehday ch botay vee aunday ah ehna dee mudhli banawat dekhyay tay iko jehy ah. Aina faraq ah eh botay na bol sakday ah  tay naa eh tur phir sakday ah. Ehna nu vee auhi nutrient chahi day ah jehray saday jaan daran nu. Botayaan dee hawa khori day pahroon sanu Styrofoam yaan ehdi jaga hor kus wartu tay ehday chi k hor moriyaan kerniyaan pain giyaan eh botayaan dee hawa khori wastay. Main jehra apratus banaya audhay  ch main punp day naal hawa ditti ah jaiwain fish tank ch jay tuseen dekhya howay.

Botayaan wastay khorak milya paani

Eh koi khas cheez nehn koi vee nutrient solution chunga ah jehday ch N+P+L+T kisay manasab miqdar naa hon.. Am tort ay Europe yaan America ch ready mix khark mil jandi ah jehnu tuseen paani mix kerkay wart day au. Eh khiyal rakho keh ehday wartnay dee tafseel nu follow karo. Kai sabziyaan wastay ik dujay naloon wakhra wartna painda ah. Jewain jiwain tuwanu pata lagda jaway tuseen aidhay ch adal badal ker sakday au. Jehra vee tuseen nutrient solution wartu ehda y naal chungian sabziyaan hon ghian. Eh khorak asani nal paani kuhl jaandi ah. Jehrs vee nutrient solution watu ehdi PH value 6-7 day wachalay honi chai dee ah. Agar ph value ehtoon ghat yaan wadh huway tay ehnu sulphuric acid (tazab) yaan caustic soda (alkali) mix kerkay adjust kitta jaa sakda. Shrooh ch tusee prana solution dhol devo tay nawaan bana lawo. Bahd ch tuseen ph adjust kerkay kum chala sakday au.

Punpashi  anjanayaan  wastay

Jay tuseen punpashi shrooh karo tay ehday wastay  jehray nutrients  yaan khurak chai dee ah ohday wastay tuseen thaley dittay hoay formulay naal tiyar ker sakday  au. Eh formula aam sabzian agaun wastay  wart sak day au. Jiwain jiwain tuwanu ehda pata lag da jaway tay tuseen ehda katha wahda ker sakday au.

Tables

Table 1. 

Formula for preparing a general purpose nurient solution (Hoagland).

			Amount for 25 gallons of solution
Salt	Grade	Nutrient	Oz.	Level tbsp.
K phos.(mono-basic)	Technical	Potassium, Phosphorus	½	1
K nit.	Fertilizer	Potassium, Nitrogen	2	4
Ca nit.	Fertilizer	Calcium, Nitrogen	3	7
Mg sulf.	Technical	Magnesium, Sulfur	1½	4

Table 2. 

Formula for solution providing trace elements.

Salt (Chemical Grade)	Nutrients	Amount water to add to 1 level tsp salt	Amount to use for 25 gal. solution
Boric acid, powdered	Boron	½ gal.	½ pint
Manganese chloride (MnCl24H2O)	MnCl	1½ gals.	½ pint
Zinc sulfate (ZnSO47H2O)	Zinc Sulfur	2½ qts.	½ tsp.
Copper Sulfate (CuSO45H2O)	Copper Sulfur	1 gal.	1/5 tsp.
Iron tartrate (chelated Fe330)	Iron	1 qt.	½ cup
Mo trioxide (MoO3)	Molybdenum	1 qt.	1 oz.

Table 3. 

Cornell Peatlite Mix

Material	Amount
Shredded sphagnum peat moss	11 bushels
Horticultural vermiculite	11 bushels
Dolomite	12 pounds
Calcium sulfate (gypsum)	5 pounds
Superphosphate	2 pounds 20%
Calcium or potassium nitrate	1½ pounds
Iron (chelated Fe330)	1 ounce
Fritted Trace Elements	6 ounces

Karobar day tor tay kernay wastay design

                                                            

             

Eh autlay apparatus banaun waliyan da kehna ah keh tuseen 3000 poday 

150 maraba foot ch aga sakday ao

Turkey day İzmir, Antalya and Mersin Manisa, Muğla, Adana, Aydın, Kütahya, Denizli, Kahramanmaraş and Şanlıurfa day alaqiyaan ch punpashi kai lok ker rehay ah."

Punpashi dunyaan ch buht wadh rehi ah tay ehna daisan ch kitti jaandi ah US, Japan, Holland, England, Canada, Germany, Russia, Australia, New Zealand, South Africa, the Bahamas, Kuwait, Brazil, Poland, Singapore, Iran Turkey tay United Arab Emirates.

Omega gardens uk da kehna ah keh auna nu patta lagia ah keh koi  punpashi day naal  aaloo vee agaa rehya ah

References:

1 Aysenur Bozkurt, Istanbol  17 August 2008

2 Prof. James M. Stephens, Horticultural Sciences Department, Cooperative Extension, Institute of Food and Agricultural Sciences, University of Florida, Gainesville FL 32611.

3 Tomatoes plants and gully pictures  courtesy of Hydro garden uk

4 Last pictures on the end is taken from omega garden uk

Jay tawanu koi vee punpashi dee salah chai dee howay tay tuseen coments tay likh kay puch sakday au. Wasay vee koi coment ehday waray ch karo tay buht khushi howay ghi. Please agar tuseen ehnu shah mukhi ch yaan gurmukhi ch likh sakday au tay vee likho. Ethay main khatan ker daan tuseen khush rahwo tay maujaan luto

Tags : Soilless agriculture in Punjabi, Punpashi, Aabpashi, Agriculture in Punjabi, save money by growing your own vegetables, Hydroponic, NFT