Friday, February 15, 2013

Babay diyan cheekan





Eh main kih likh ditta?  Eh kahani kiyaan babayan dee aah jehna nay wanday da waila dekhya ya wanday day naal ikk passayon dujay Pasay gaiy. Aseen chotay hunday see tay udon gurmy dee wajah naal bahr saunday hunday see. Eh raat noo ikk baithank da kum vee hunda see. Ahndh gwand day wadayan tay chotayan nay auna tay saray din diyan gallan battan kerniyan. Aseen chotayan nay shairan day maqbalay tay bujh bajhai kerni wagaira. Eh ayub khan dee hukumat da akhree waila see. Oh pehra see ya chunga see ehday nal audoon mainu ehna pata eh nai see. Auh waylay siyasat noo chud kay chunga zamana hunda see, lut mar tay churiyaan, mar kutai tay qatal vee ghat eh soonan ch aunday see. Apni thuri jhai siyasi zindgi bee odoon ayi shrooh keeti. Kinay chungay log hunday see. Kadain eh firqian da be ehna neh hunda see. Ehtay tak kadain marzaiyan dee maseetay namaz ja perhi tay kadain wahabiyan shiyan day tay kadain soniyan day. Saday wadiayan nay kadain vee nih see kehya keh aseen soni aan tay tooseen soniyan dee maseetay jaya karo. Saaday gwand ch soni shia wahabi tay marzai hunday see.  Har koi apnay gawandiyan da khiyal rakh da honda see pawaan oh koi ve huway. Ikk dojay dee ghmee khushi sanjee hundee see. Ohna dinaa ch marzaiyan dee maseet day koll “tahafz e khatam e naboowat” wallayan nay jalsa keeta. Jehday vich laudspeaker tay pehli var maulviyan diyaan taqreeran huyaan. Marziyan dee maseet no dhown wastay logaan aubaraya ghia. Marzaiyan nu zoro shore na kafir tay wajbul katal kehya ghia. Hun yad aunda ah keh marziyaan da pehla shosh vee Pakistan ch maulvi Maududi (Hindustura) nay chadia tay jehday naal ohnu maut dee saza hoi jehri baad ch maaf hu ghai. Eh ghul main es wastay keeti aah keh kyee babayan dee kahani mildi juldi aah.
Maulviyaan tay hindustoryaan noo mazahab day naa tay khuli chooti mil ghai jehday nal dais ch lut mar khoon kharaba, waddy tay chorian dakay agwa  talibaan tay alquida nay jagah bana lieey.
Karachi kadain buht chunga sharr hunda see. Saray log pawaan pathan sindi Punjabi bhia tay koi vee howay ral mil kay rehnday see. Eh hor gall ah keh bhiyay andro andri chakar chlownday see. Leikun aman amaan see Main eh vee das dawaan Pakistan diyaan jinyaan siyasi partyaan hundiyaan see ohna ch jamat islami ikku party see jeha pardhan bhia (Maudoodi) see. Karachi ch barra aman amaan see. Sarray Pakistan choon jamat assembly diyaan seataan jit dee hundi see. Hor kityoon bee jamaat assembly diyaan seataan nehn jitt saki. Sirf aik seat Punjab toon jetty oh vee apnay asar tay kum day nal. Oh derwaish insaan da naa Dr. Nazir Ahmad see jehnu Bhutto hukomat ch mar ditta ghia. Oh Bhutto day khlaaf buht bolda see.  Hon tay hor jagaan tun wee jitt jaandi aah phar odoon sirf Karachi choon. Maudoodi day marn toon baad Mian Tufail Mohammad (Punjabi) jamaat da pardhaan (Ameer) bun ghia. Bhia log khas kar Karachi wallay jamaat dee amaarat tay haq samaj day see. Karachi dee jamaat nu jes taran kehnday uhno pisso pay ghaiy. Ohtoon baad bhiyan nay dikhia hun tay saday koll koi vee sayasi parti nehn rahi. Karachi dee jamaat nay jamaat nu chudiya tay nehn pher audoon tun chup saad lai. Dais da agla election hua tay jamaat Karachi diyaan sariyaan (ten yaan char) seataan haar ghai. Laawa aunroon andher puk da rehya. Jamaat di aik (unofficial) dandaa force hundi see jehda kum julsayaan dee dekh baal kerna hunda see. Kehnday hunday see jalsa howay tay banner naal laiy kay awoo jehday donaa passay danday hon. Wasay tay danday phur kay jalsyaan jaloosaan ch ja nehn sakday see. Garr barr howay tay banneraan day dandaay kehd kay dandaa waho. Eh jamat dee danda force “Alshams tay Albadr” nay fauj naal ral kay East Pakistan (hun Bangladesh) day 30 lakh pakistanian day khoon khrabay lut mar rape wagaira keetay. Hon  Bangla desh jamaat kaafi saraay leader bangali jailaan ch nay tay ohnaa tay genocide lut mar rape day maqadmay chal rehy aah. Jamat dee eh oh eeh danda force Kashmir tay afghanistaan day jihad ch vee shamal hoi. Hajjay tak jamat talibaan dee hamayti ah maulvi Munawar Hussain day matabaq. Jamat Karachi choon assembly diyaan seataan haar ghai. Koi siyasi party bhiyan day kol nehn rehi ta Karachi dee danda force nu MQM banaa deeta ghia. Dandaa force jamaat day gunday see . Jeedoon MQM banni ohnay nay Karachi ch jugga tax laina shrooh ker ditta. Pehloon jamatiyay chanda lain janday see tay hadeesaan tay soortaan sonoday see tay Jazak Allah kehnday see. Dandaa force day banan naal chanda tariyaan tay dhamkiyan naal liana da rwaj paw deeta. Hukumat nay operation tay keetay pher dosray operationa dee tarran adha. Karachi day wich ehna had haram bhiyan nay lut mar tay khoon kharaba keeti rekhya. Eh soorat paidah hu ghai keh dais diyaan dunoo wadiyaan partiyaan altaaf phai nu uk ch salamaan ker jaandiyan. Dais bhaiyaan day control ch aa ghia. Dandaa force day barray menu es wastay pata aah keh jehra main shrooh ch apni choti jai siyasi zindgi da dasya oh jammat dee student wing jamiat tulba toon keeta. Ikk bacha honday huay jamiat da nazim vee banya. Mutior Rehman Nazami (Ameer jamat Islami Bangla desh now under trial for genocide abduction and looting etc in beangla deshi courts) apnay sharr ch daffa 144 hon day huay jalsa vee keraya. Mutior Rehman nazami nay menu deekhiya tay heraan see keh main ihna chota. Jamaat dee dandaa force da zikar main agay na eh wadamaan tay chunga aah.                                                                                                     Hun tay sarra dais eh bhiayan daa. Punjaab day hor tuckray kern da matalba vee MQM  Walloon aya. Hallan keh zardari sahb vee hor subay nehn bonana chowday see. Jehda ohna nay kissay taqreer ch zikkar vee keeta. Bhiayay ehna kay phelay ke tobay dee Auqaaf dee maseet da maulvi koon Bhia. Uk diyaan librarian day asian language day incharge koon bhiay. Community officers kon bhiay. BBC asian service day incharge kon bhiay. Kiyaan mulkaan diyaan adalataan tay radia programmaan day incharge kon bhiay. UK Islamic mission nay chun chunk ay bhiyay uk ch balaiy. Uk ch tin saal rehn toon baad bahrlay shahriate wastay apply ker sakday see. Kheepaan diyaan khepaan ehna bahr day mulkaan ch mugwayaan. Bhaiyaan nay asar rasook wart kay GEO/ Jang group nay 20 million pound pound  laay uk aid for media compaign for education in Pakistan. Jehdi puch preet wastay house of lords ch masla uthya.
Aseen apnay maan baap noo bibi ji tay aba ji kehnday hunday see. Bibi ji nay  dasya apniyaan sahailyan day baray ch jehna wich sikh tay hindu vee see. Ohna nay saanoo dosriyaan diyaan maseetaan ch jaa lain toon lag da aah keh ohnay ch kisaay naal vair neh see. Sarray logaan da eh yo ee haal see. Kitay safar karna tay nal khana peena lay kay turna. Kiyon keh ehnay hotal be neh honday see. Khan lagna tay nal baithyaan dee sulah mar laini tay khanay tay majboor karna. Punjabi ziyada pindaan ch rehnday see tay kittay meeh paina tay logaan nay khooshi nal pooray kadnay. Lagay chagay day gawandiyaan noo pooryan dee khusboo aunee tay ohna gavair laa kay kehna keh oh pooray kadh rahy aah chaloo khan chalyay. Eh oh zamana aah jihra wanday toon pehlay see tay bahd ch vee rahya
Saddy phuphee ji day putt (phaphair) nay apni boodi day marnay toon baad marzee da wayah kitta hoya see. Ohna dee pehloon ikk dhee see jehnoo wahya ditta. Matyee maan da wartaa juwai na chunga neh see. Phuphair dee dhee nay saday aba ji no patar ghalaya tay saday ghur vich cheekh chahara  tay rona dohna pae ghia. Menu hajay vee oh anjoo yad nay. Eh gull vee es wastay likh rhyaan lookaan vich kina ikk dojay naal piyar hundaa see.
Sadday gawandiyaan dee boodhi ikk din bahoosh hoo ghai. Audoon ainay doctor vee neh honday see. Oh mairay ikk jaamati dee maan see. Main “Ibtadai Tibbi amdad” perhi hui see. Mera dill karay keh main ohnu apna saah day kay ohnoo hoosh ch liyawaan per main ikk chota bacha see tay sharamu k sharmi  keh log kih kehn gay keh ihnay marzain day mohn nu monh la ditta.  Neely chat wallay da shukar keeta paani day chatiyaan naal val hu ghai.
Eh gallaan es wastay likhyaan aahn keh saadi maan dherti diyaan rugaan wich piyar pheriya hoya see. Agar main eh keh damaan tay gult neh hoay ga keh punjab ikk aisy dherti aah keh janey dunia day wich sub tun ziydah piyar kern wallay paida keetay jehda sboot sadiyaan lok kahaniyaan aahn. Hajay hor patta nehn kinyaan keh hazraan aisay prem vee huay jinah nu koi likh nay walla neh milya. Main jidoon pehli wari West germany gia tay authay pehli warry sikhaan tay hindu mundiyaan da patta lagya keh asaan tay eikoo aan. Ikko jihya rehn senh  tay kaddeen soochana keh eh schoolaan tay calljaan wich aseen keh perya see tay eh kih? Ikk sikh tay ikk hindu munday nay desya keh sadday wee aidaan perhya jaanda aah. Eh sarry siyasat tay siyasi logaan day chakar aah. Aseen kayee varray kathay rehay tan hun vee oh hajay tak yaad aunday aah.                  
Jidoon main machester aiya tay mera gwand ikk hindu gujrati patel ghar see. Pehlay dinaan ch apnay gwandiyan nal hiya tay hi diyan mollaqaan hoyaan. Pakistanian day naal tay mil mallap vee shrooh ho ghia pher hindu naal hi tay hello eh raehee. Ikk din merray putt dee birthday see tay main darday huay kuch khana hindu da boaa kharkaa kay ditta. Eik din oh hindu dasan aaiya keh ohdee kuri da wayah hu rehya aah tay tuseen bhaiya apni family naal auna. Aseen wayah tay ghiay. Aunay saday auwn da shukaria kehya. Varyaan tay varay guzar ghaiay phair vee maray man day wich eh see keh patta neh milna ee neh chunda. Ek din main ghar day barh  see tay audhroon hindu nay baj deeti “Bhia baat sunain”. Main nay hi kaha aur haal chaal puchya. Pher hindu kehn laga  “bhia  kissay din time kaddoh gup shup day wastay”. Pehli baithak hoi tu aus nay menu keha aap maray baitay ki tarra hain es wastay kay umar ch oh changa wadah see.Ohnay menu kehya koi vee madad chaidee huway menu ghar daa jee samjoo. Patel ji  naal buht baithakaan huyaan tay hundiyaan rehyaan. Authna baithna khanay da time hu jana tay khana vee akathay khana. Manchester day wich gosht diyaan huttiyaan ziyadaa pakistaniyaan diyaan aah. Patel ji nay desya keh oh ghar vich mas neh pakoon da phar bhar pakiya huya kha liandha aah. Kuch varyaan baad patel ji ghar vaich kay Zimbaway chalay ghaiy jehda menu buht dukh huaa. Ek wari oh pher England aiy tay patta lagaya ohna di ghar wali mar ghai see . Hun patta lagia keh patel ji kuch varay pehlay oh surrat (gujrat) shift hu gaiy aah. Allah karay keh theek thak hoon. Main eh kahwaan ga Patel ji ikk buht waday tay dil walay insaan aah.
Ikk hor gwandi Karachi day bhia “rasool pak day aikhree cheshmu chirag” eh sarray hindustooray rasool pak dee rashtay dari toon ghat gal eh nehain kar day. Main bahr garden no saaf ker rehya see tay mahazbana aur lehjay wallay salam ki awaz aai.main jawab ditta tay main audoon machester ch perh riya see. Lehnday haithee kehn lagay “taxi chalaana shrooh kerdain”   main jawab ditta bhai meray main tay hajay parh rehyaan. Phia ji thura jia sharminda huay , oh tay bahd ch patta challya sharminda kidaan? eh naa dee ohna koo koi cheez naih. Bhia kehn lagay “Aap ko invite tu karta laikun  hamaari tu biwi nahi. Main ohnu akhiya koi gal nai aseen tawanoo balla laindaan aahn. Bhaia khanay tay aa gaiy khana shrooh kitta. Bhia khana khai jaan tay khanay diyan tarifaan tay tarifaan kari jaan. Maray ghar walli vee apnay khanay diyaan tarifaan sun kay pagaanay (balloon) di tarran phuli jaway. Khana mukya tay  kehn lagay “Bhabi Khana itna mazay dar tha keh aaj tak aisa mazay dar zindagi main nahi khaiya” . Meri begum ji tay hor phul ghai. Bhia ji kehn lagay “yeh tu aap ko dubaraa zahmat daini paray ghi” begum ji phuli hui see tay khushi nal kehn lagi aapna hee ghar samgain aap dobaraa aa jain. Bhia chalay ghaiy begum gi menu kehn ligian tareef karna bhia say seekhain. Daawtaan da chuckker chalda rehya. Aakher begum ji kehn ligyiaan bhia nay tay eh shugal eh samaj liya aah. Aik bari aur zahmat ka shosha chad janda aah. Main begum ji keh ditta mera tay baad ch waqaf hua. eh ehna bhia logaan da ikk jaal ch phusown da tarikka aah. Bhia  poochtay rehay “aap kahan say hain”? typical question you usually hear  from these bhias. Jawab day dwoo bhia “hum Pakistan say hain” dosra typical question you usually face is “peechay say kahan say hain” jawab day dain bhia hum Punjab say hain, phair puchain gay aur peechay kahan say hain” hazar pheri das diyo eh puchee jaan gay to make sure keh bhia haiga ya nahi. Ehda ikk hul sochaya jidoon aidaan kissay bhia nal takkraa huway tay seeda jawab dewoo. Aigyoon pichyon sajyou khabyoon otoon thaliyun main aithon aan. Saddi begum ji nu vee urdu bollan da buht chaa wa jis taran saiyaan hor maanwatay phenaan nu. Sadiaan maanwan tay phenaa nu bhia log urdu dee brain washing ch kamyaab hu gaiy. Bhia nay khana kha kay chal jaana tay begum ji nay kehna “buhut mahzab Aadmi hai” her gal nal subhan allah  tay  shukar alhamdulillah kehta hai. Begum ji nay ikk din ohnoo car tay dikhya ohnay “grrr grrr kerkay shisha khool kay  bhar thukya tay menu aa kay disya “itna ujad mainay koi neh dikhya perhaya likha hu kay. Main begum ji no desya eh bhiyaan dee nasal  eh parhi likhy paada keeti see. Allah Degriyaan ahnaa nu paida hunday day dindaa aah kiyoon keh Rasool pak day cheshmu chiragh haigaay aah. Hun bhiay nu ehtay pakka hu giya keh aseen Punjabi aan per oh eh sooch daa rehya keray keh aseen syed aan ya nahi. Eh vee galt fahmi door ho ghai jidoon bibi ji da family naa dekhya tay kehn laga “Acha tu aap sardar hain”                         
Nawaz shreef sahb dee pardhan muntry see tay kitay  Karachi ch ohnay bhiyaan day khlaf operation keeta. Menu tay pata nain see. Main bhayay nu miln ghia tay barriyan nazraan hathyaan ker kay gallaan keray aur thora thora sharmida jehya deekhan lagay. Jidoon main ghar aiya tay begum ji hunaan desya keh bhaiyaan day khlaaf nawaz shreef nay Karachi ch operation keeta,  tay kaiy zaati jailaan pheryaan ghaiyaan.                                               
Faisalabad ch buht saray bhiyay tay hor vee log perhn aunday see. Jidoon aseen authay perhiya tay saday agay tay peechay diyan jamataan ch bhiyay vee see,  jehna chon kujh nall sadda viyar see. Authna baithna milna julna buht see. Ohna kehna kiddain hydrabad Karachi awo tay tiwadi tehl karaan gay. Allah da kerna keh pehla kum Hyderabad ch keeta. Anju phai tay aseen kathay see. Aik sham nu anju phai nay kehya kal chuti hai tay subah auth kay bhia kol challan gay, ohday kol nashta karran gay. Main Anju nu kehya deekh Faisalabad ch ohna na vehyar hor see aithay hu sakda na howay. Khair aglay din subah aseen donoo Faisalabad ailay prem day chakar ch ikk bhiyay kol ghaiy. Bhia railway dee coloney ch rehnda see. Boaa jaa kherkaya. Koi dsaan minutaan bahd  bhiyay day phai nay boaa khulia. Aseen salam toon bahd apna hadood arba des kay kehya aseen apnay yaar noo milna chaunday aan. Bhia boaa band ker kay saday yaar kollon ajazat lain ghaiy. Koi punch minute bahd boaa khool kay baithak ch bathaa ditta tay punj minute badh du cup chah day naal char nanay munay jehay biscut liya rakhay. Chah peeti biscut khaday tay bhia vee aa ghaiy. Mil milap hua tay aidhar auther diyaan gallaan huyaan. Bhia nu apna atapata deeta tay kehya jedoon vee time huway saday zaroor auwna. Eh vee kehya hor vee jehray yaar vallee hai nay ohna nu vee des daina. Main anju nu kehya yaar hun aseen chalyay. Bhia nu rab rakha keh kay aseen hydrabad ch muchaan thindiyan kern vallee lassi day du waday glass da nashta keeta. Oh din see tay aaj da din na bhiay aiay tay naa ee ohna naal taakra hoya.
Kithay aseen Punjabi paindu kithay eh bhaiyay. Pehlay ainay hotel  guddiyan tay busaan nehn hundiyaan see . Aam log pedal safar kerday see jeethay kessay pind ch raat hu jaani tay kessay da buaa ja kharkauna tay ghar aaliyaan nay munji bistra wee daina tay roti tucker vee. Eh aam khiyaal see perauna yaan musafir allah dee rehmat aah. Saday aba ji da kehna see koi vee aa jaway tay ohnoo jo vee changay toon changa hu sakda huway khan peen nu diyu. Khana her issay nay apni kismmat da khana aah per ohday hath tuseen lotay nal dhuwao.
Eh main kujh gallan es toon likhyaan saday eh chungay  rehn sehn nu bahroon logaan aa kay satia nas ker ditta. Jiddon bhiyaan tay maulvian  da hurr aiya onay tay eh koshish keetee punjanbi thaley lagay rehn tay peechay reh jaan. Logaan day vich mazhab nu khara ker kay punjabiyaan jehray pehlay Punjabi see tay ohna nu hindu muslim sikh banaa kay ikk dujay day dushman banaa ditta. Jehda netija eh huya Punjab tay tukray ker dittay tay keh kittay Punjabi kathay nah hu jaan.
Wanday day chakar ch logaan nu lotia ghia , logaan diyan aiztaan lutiyan ghiyan, lakhaan da kat wadh huya.Juwaan kuriyaan no naga ker kay bazaraan ch pherya ghiya. Ainah keh laho lahaan huya keh daryawaan da pani lal hu ghia. Eh gal nu Punjab dee ikk deeh  Amrita preetam nay wanday aalli guddi day wich jaanday huay eh nazim likhi.jehday tu patta lagda aah ohnu kina dukh huya
                       
              Aj akhaan waris sha noon kitay qbraan wichon bool
             Tay  aj ktaab ishq da koi agla warqa phoal
             Ek roi see dhee Punjab dee toon likh lakh maray wyain
             Aj lakhaan dhyaan rondiyan tenu waris sha noon kehn
             Uth dard mandaan dya dardya tak apna dais Punjab
             Aj bublay Shan wachian Laho dee phree chanab


 Menu ainee keh harani hundi ah keh lakhaan log marray ghaiy tay kisay nay vee hakoomataan day kolloon puchiya? Koi puch pucheet hoi? Na hindu na musalman tay nah eh sikh? Sarray bilkul kiyoon chup rehay. Bilkul meeti paa keh daab deeta ghia. Kissay leader nay vee nehi mtalba keeta?
Hun main babay diyan cheekaan val aundaan aan. Main pehlon dasya aah keh log garmiyaan ch bahar saunday see. Saday ghar day lagay aik baba vee rehnda see. Oh babay da ikk putt see jehda jawai mera master see. Aseen bachayan nay adhi adhi raat tak bathay gallan tay malomaat day maqbalay kerday rehna. Adhi kay raat hooni tay saaday mastar day babay nay sootay huay cheekan marya ker niyaan. Asseen bacchayan cheekaan sun kay buht hassaya kernna. Chotti umar ch chottiyan gallan hassa ban jandiyan aan. Ikk din baba bahr munji dah kay bathia huway tay main himmat ker kay babay day kool jaa baitha. Haal puch pacha kay babay koloon puchiya keh oh raat noo cheekaan kiyon marda aah. Babay nay apni kameez leh deeti tay menu barchyaan day du waday waday nishan dkhaiy. Nishaan dikhaa kay kehn laaga varay lang gaiy phar hajay vee raataan no menu eh khabaan aundiyan aah sikh menu waddan aa paiay tay mairiyan cheekaan nakal jandiyan nay. Menu babay dee gal sun kay buht dukh huya. Main bacha see aini smaj be neh see keh babay koloon hoor bee gallan puch da. Hun khiyal aundah aah varyaan tay varay lang gaiy patta neh kinay kay babay hajjay bee khabaan ch cheekaan marday aah. Menu eh gall suniyaan varyaan day varay lang gaiy phar aidan lagda jidoon kal dee gal huway.


No comments :

Post a Comment