Kehri Hadees

Hadees rasool pak Mohammad (pbuh) diyan gallan nu kehnday aah. Main hajjay chota eh see tay saday ghar chi k prowna aya. Eh prowna jeda na gulam rasool see yaan Abdul rasool. Chungi wadhi daree. Eh kissay school ch headmaster see tay kissay imtehaan da examiner ban kay aya see. Jais zamanay dee gal aah odhun tobay ch koi hotel nehn see.

Tobay ch du sarawaaan hondiyan see. Ik railway day phatak kol tay ik Barkat dee saraan.

Eh dunoo sarawaan hotel da kum deendiyaan see. Othay masafraan  nu munjhi tay bistra raat tapaunay lay milda see. Thoray jehay paisay ziyada dawo tay karma vee mil jaana see. Jay kissay da koi janan wala yaan rishtaydar hunda see tay oh masafar ohna kol jaa thair day see. Jehda faidah eh see mil malap vee hu janda see tay khana peena tay rehn wastay jagga vee mil jaandi see. Punjab ch log khush honday see ke ohna nu kadeen tehl sewa da mauqa milya. Guddiyaa vee ghat hundiyaan see tay raat nu aath nu bajjay toon baad bussaan band hu jadiyaan see. Saday tay her rose koi na koi prowna aya rehnda see. Kissay nu sharr kum hunda see yaan lyallpur (Faisalabad) tay Lahore jana hunda see oh sada prowna zaroor hunda see. Yaad aunda aah swairay jagnna tay prownay deekh kay khush hoona. Aina mehnga zamana vee nehn see. Saddi bibi ji nay vee prowniyaan dee tehl sewa kerni. Eh tay see kum walay prownay.

Doosray prownay see agar nehn aunday see tay ohna nu sanaiha kahl kay yaan chithi likh kay blawna. Odoon log barri chah nal ik doosray nu miln jaanday hunday see. Ohna nay miln auna tay aa kay rehna. Chotay hunday see barra chunga lagda see.

Headmaster  chungay mazhabi tay deendar lagday see. Shaam hoi tay kehn luggay oh deen da wee kum kerday aah. Tabliqui jamaat naal ohna da talaq haiga. Aj assen lookaan nu daawat dawaan gay keh oh maseet ch ohn tay deen dee gal baat sonan. Menu kehn luggay toon chungi gal baat ker laida aan tay darwaza kherkawaan gay tay toon gal ker nee aah. Garoon  nakal kay lokaan nu maseetay aown dee dawaat daini shurooh keeti.

Asr dee namaz toon baad da prgramme see. Wawa lok jamaa hu ghaiy. Headmaster sahb nay tay ohna day saathiyaan nay gal keeti.

Gar aiay tay shaam da khana peena keeta. Master sahb kehn laggay kall nu pher jawaan gay. Kehn laggay too chungi gal baat ker lainda aah tay kall biyaan (typical word used for gal or speech) vee toon kerna aah. Main ohna nu keha jidaan tusain keho. Main ohna dinaa ch jamiat tulba da nazim hunda see. Eh gal da master sah nu patta nehn see. Tabliqui jamaat ziyada tort ay deobandiyaan diyaan maseetaan ch jaandi see. Os din jehray din mera biyaan hona see oh masjid da na firozi masjid see. Eh firozi masjid government high school toba day bilkul naal islam puray wali side nu lagdi see. Masjad da Imam hafiz rehmat ullah see. Hafiz rehmat ullah jang sharr da rehn waala see tay mera quran prauwnay da maulvi see.

Aglay din lookaan day derwazay kharkai tay ohna nu maseet aa kay gal baat sonan da kehya. Asar dee namaz perhn toon baad maulvi nay lookaan nu kehya tabliqui jamaat aai hoi aah tay biyaan sun kay jaana. Look kathay hu gaiy. Main biyaan kerna see tay main nadvi naami ( nadvi jamaat islami da bhia maulvi) maulvi chaali hadeesaan dee kitaab choon hadees per keh ohdi tafseel dasnee shrooh keeti. Menu eh pata nehn see keh eh donaa jamataan (tabliqui tay JI) da kutay tay billy wang wair aah. Wassay Europe ch kutay billion baray prem naal rehnda aah.

Main hadees kitaab choon perh kay ohdy tafseel das rehya see tay meray maulvi rehmat ullah nay baray gussay naal akhia toon eh kitaab choon biyaan nehn ker sakda. Main kehya maulvi sahb kitaab koi vee huway main tay hadees tay barray ch biyaan ker rehyaan aan.

Meri eh gal kernay dee dair see tay maulvi sahb nay meray koloon oh kitaab kho liye.

Maulvi ji buht gusaay ch see  tay keh rehay see eh jamaat islami dee kitaab aah. Varay guzar gaiy hajay tak menu hajay tak samaj nehn aai keh kehri hadees menu perni chai dee see jehri keh maulvi yaan eh tabliqui jamat noon vee fit aa jandi.